S.E. Prezidente Repúblika, Taur Matan Ruak Aseita Proposta hosi Partidu Votadu Liuhotu kona-ba Primeiru-Ministru Indijitadu

by Media Team Posted on

Dili, 10 Fevereiru 2015 – S.E. Prezidente Repúblika, ohin, konklui audisaun ho partidu sira–ne’ebé iha asentu parlamentár kona-ba indijitasaun ba Primeiru Ministru foun.

Hanesan rezultadu hosi audisaun sira-ne’e, Prezidente Repúblika aseita proposta hosi CNRT, nu’udar partidu votadu liuhotu iha eleisaun lejislativa ikus liubá, ne’ebé indijita Dr. Rui Maria Araújo ba kargu nu’udar Primeiru Ministru.

Prezidente Repúblika sei simu Primeiru Ministru indijitadu iha loron hirak tuirmai atu diskuti kona-ba konstituisaun VI Governu Konstitusionál nian. Tuirmai, Governu ne’e sei hetan pose hosi Prezidente Repúblika previzivelmente iha semana ida-ne’e nia laran.