S.E. PR TAUR MATAN RUAK NOMEIA DR. RUI AUGUSTO GOMES SAI XEFE KAZA SIVÍL FOUN

by Media Team Posted on

 Dili, 10 Agostu, 2015 – S.E. Prezidente Repúblika, Taur Matan Ruak, iha sesta-feira semana kotuk, liuhosi Dekretu Prezidente Repúblika nr. 57/2015, 5 Agostu, nomeia Dr. Rui Augusto Gomes (PhD), ba kargu Xefe Kaza Sivíl foun.

 Dr. Rui Augusto Gomes (PhD) asume kargu ida-ne’e, hafoin Xefe Kaza Sivíl sesante, Dr.Fidelis Leite Magalhães, husik hela kargu ne’e hodi ba kontinua nia estudu iha Estadus Unidus Amérika.

 Antes asume knaar foun ne’e, Dr. Rui Gomes, hala’o knaar hanesan Asesór Pesoál ba S.E. Prezidente Repúblika hodi tau matan liu ba asuntu ekonomia nian.

 Dr. Rui Augusto Gomes, Doutoradu husi Universidade South Bank, Londres, Reinu Unidu, moris iha Dili, 21 Setembru, 1958. HOTU