KOMUNIKADU BA IMPRENSA: SUA EXELÉNSIA PREZIDENTE REPÚBLIKA, TAUR MATAN RUAK HUSU BA TRIBUNÁL REKURSU ATU HALO FISKALIZASAUN PREVENTIVA BA KONSTITUSIONALIDADE DEKRETU PARLAMENTU NASIONÁL NR. 37/III NE’EBÉ MAK APROVA ALTERASAUN DAHAAT BA LEI NR. 6/2006, HOSI 28 DEZEMBRU (LEI ELEITORÁL BA PARLAMENTU NASIONÁL)

by Media Team Posted on 14 views

Sua Exelénsia Prezidente Repúblika, Taur Matan Ruak segunda-feira ohin husu ba Tribunál Rekursu atu halo fiskalizasaun preventiva ba konstitusionalidade hosi Dekretu Parlamentu Nasionál nr. 37/III ne’ebé mak aprova Alterasaun dahaat ba Lei nr. 6/2006, hosi 28 Dezembru (Lei Eleitorál ba Parlamentu Nasionál). Pontu hirak ne’ebé hamosu dúvida kona-ba ninia konstitusionalidade mak hanesan: uluknanain deputadu sira bele lakon mandatu karik la halo tuir dixiplina partidu ninian; tuirmai, pasajen kompeténsia kona-ba regula Lei eleitorál hosi CNE ba iha Governu; no ikusmai “uza laloos sigla ka símbolu” durante períodu kampaña eleitorál tama iha kategoria krime. Prezidente Repúblika fiar katak Tribunál Rekursu sei esklarese dúvida sira-ne’ebé hamosu hosi lejizlasaun importante ida-ne’e.

Palásiu Prezidente Nicolau Lobato, 03 fulan Abril tinan 2017

 

 

Author

Media Team