KOMUNIKADU IMPRENSA:PREZIDENTE REPÚBLIKA HARUKA LEI RAI NIAN BA TRIBUNÁL REKURSU HODI HALO FISKALIZASAUN PREVENTIVA BA NINIA KONSTITUSIONALIDADE

by Media Team Posted on

Sua Exelénsia Prezidente Repúblika Taur Matan Ruak husu ona ba Tribunál Rekursu atu halo fiskalizasaun preventiva konstitusionalidade ba Dekretu Parlamentu Nasionál nr. 39/III – Rejime Espesiál kona-ba Definisaun Titularidade Bens Imoveis.

Pontu hirak ne’ebé hamosu dúvida kona-ba konstitusionalidade maka hanesan: primeiru ekilíbriu entre sistema normas ne’ebé mak uza iha prosesu rekoñesimentu ba títulu propriedade uluk nian; tuirmai artikulasaun entre rejime espesiál kona-ba definisaun títulu dahuluk propriedade nian no rejime jerál, no; ikusmai, kondisaun asesu ba Direitu no Tribunál sira hodi define propriedade ba rai.

Dala ida tan, Prezidente Repúblika fiar katak Tribunál Rekursu sei esklarese dúvida sira-ne’ebé hamosu hosi lejizlasaun importante ida-ne’e.

Palásiu Prezidente Nicolau Lobato, 06 fulan Abril tinan 2017