“Club de Madrid fo lisaun besik liu bá ita nia-esperiensía nasionál rasik”

by prtlwebmaster Posted on

“Club de Madrid hanorin ita lisaun ne’ebé besik liu bá ita nia-esperiensía nasionál rasik ne’ebé ligadu ba balansu no kóperasaun husi jerasaun hot-hotu iha servisu ba ema barak nia di’ak.

Jerasaun uluk sira kontinua halo insubstituíveis (la-bele troka) kontribuisaun ba Timor-Leste-nia afirmasaun no konsolidásaun. Maibé jerasaun foun sira ténke hahú ona gradualmente foti responsabilidade rasik iha moris públiku.

Ita moris iha mundu foun, iha transformasaun lalais, iha ne’ebé ita ténke apriende hamutuk; foin sa’e no otas sira atu salvaguarda susesu ita nia rai. Demokrasia ne’ebé forte depende ba kapasidade atu halibur sidadaun hot-hotu, inspira sira, inspira jerasaun foun, no husik ba sira hakat ba hakat atu foti responsabilidade iha espasu públiku iha nivel oi-oin.

Ha’u hakotu hodi hato’o ha’u nia obrigadu ba prezensa eselénsia sira hotu, ne’ebé reprezenta sinal enkorajementu ba ami nia servisu hodi hametin ba bebeik no hamoris fila-fali Timor-oan sira nia demokrasia ne’ebé sei joven.”

Intevensaun Prezidente-da-Repúblika Francisco Guterres Lú Olo iha serimónia abertura meza-kabuar “Ba Ajenda Ida Demokrátika husi Jerasaun iha Àsia-Oseánia”- MNEC 30 Jullu 2017.

Mídia PR