Embaixadora Reinu Tailándia Despede Prezidente-da-Repúblika

by prtlwebmaster Posted on 19 views

Palásiu Prezidente Nicolau Lobato, (25/8), Prezidente Repúblika Francisco Guterres Lú Olo simu vizita no enkontru despedida Embaixadora Reinu Tailándia ba Timor-Leste, Sra Patchanee Kithavorn.

“Ha’u mai despede Prezidente Repúblika, tanba ha’u-nia mandatu atu hotu ona,”

Embaixadora Tailándia kompremete ba Prezidente Repúblika katak kooperasaun entre nasaun rua sei kontinua nafatin liu-liu iha area dezenvolvimentu rekursu umanu hanesan estudante timoroan atus ida resin ne’ebé mak tuir hela bolsu estudu, akordu koperasaun inklui kona-ba viza ekstensaun.

Iha sorumutu ne’e, Xefe-de-Estadu hato’o mós kona-ba estabilidade no formasaun governu ne’ebé mak agora dadaun iha hela prosesu negosiasaun nia laran.

Prezidente Repúblika agradese mós kontribuisaun embaixadora Tailándia durante nia mandatu iha Timor Leste.

MÍDIA PR

Author

prtlwebmaster