UNE-TL husu Prezidente-da-Repúblika atu sai patronu

by prtlwebmaster Posted on

Palásiu Prezidente Nicolau Lobato, loron-25 fulan-Agostu, Prezidente-da- Repúblika Francisco Guterres Lú Olo simu vizita husi membru União Nacional dos Escuteiros Timor-Leste (UNE-TL)

Iha okaziaun ne’e UNE-TL husu Prezidente-da-Repúblika nia disponibilidade atu sai organizasaun nia patronu tanba preve ona iha sira-nia estatutu. Prezidente-da-Repúblika sai patronu ba organizasaun ne’e ho objetivu bele akompaña nafatin atividade saida de’it mak UNE-TL hala’o iha rai laran no rai liur.

Prezidente-da-Repúblika ho laran kontenti disponivél atu sai patronu ba UNE-TL.

União Nacionál-dos-Escuteiros Timor-Leste hanesan organizasaun eskutismu úniku ho voluntáriu non-Governamental ne’ebé nakloke ba ema hotu lahó diskriminasaun ho prinsípiu tolu hanesan; devér ba Maromak, devér ba nasaun no ema seluk, ikusliu devér ba an-rasik, Organizasaun ne’e GovernuTimor-Leste rekoñese ofisialmente liuhusi rezolusaun No.25 /2015 loron-29 Jullu.