Prokuradór Jerál informa progresu serbisu ba Prezidente-da-Repúblika

by prtlwebmaster Posted on 28 views

 

Palásiu Prezidente Nicolau Lobato, loron-4 fulan-Setembru, Prezidente-da- Repúblika Francisco Guterres Lú Olo hala’o reuniaun mensál ho Prokuradór Jerál-da-Repúblika Dr. Jose da Costa Ximenes.

Iha enkontru ne’e Jose da Costa Ximenes informa ba Prezidente-da-Repúblika kona-ba serbisu no funsionamentu Ministeriu Públika iha fulan hirak nia laran. Prokuradór Jerál informa katak iha fulan Agostu nia laran Konsellu Superior Ministeriu Públiku diside halo demisaun ba ofisiál na’in-rua tanba falta serbisu, vizita ne’ebé hala’o durante ferias judisiál no tomada-de-pose ba Prokuradór Distritál sira.

“Durante feriadu Judisiál ha’u ba iha Municipiu Bobonaro, Covalima no Rejiuan Administrativa Oe-Cusse hodi hare kona-ba krime sira kontra bandu ka fraude fiskál barak tebes akontese iha no Iha loron-20 Setembru Ministeriu Públiku sei halo tomada-de-pose ba Prokuradór Distritál Dili, Baucau no tomada-de-pose ba Inspetór Timoroan ida. Ho tomada-de-posse Timoroan, foin primeira vez Timor priense fatin ida ne’e, signifika serbisu hotuhotu Ministériu públiku kaer rasik hotu ona husi majistradu Timoroan sira, laiha tan estranjeiru mak asumi”

Mídia PR

Author

prtlwebmaster