KOMUNIKADU IMPRENSA

by prtlwebmaster Posted on

KOMUNIKADU IMPRENSA

Díli, 9 outubru, 2017

Prezidente-da-República Sei Simu Kredénsiál husi Embaixadóres Colombia, Filipinas no Fransa 

Prezidente-da-República Francisco Guterres Lú Olo, loron-10, fulan-Outubru, sei simu kredénsiál husi Embaixadores Foun husi nasaun tolu mak hanesan: Embaixadór Repúblika-da-Colombia, José Renato Salazar Acosta, Embaixadór Repúblika-das-Filipinas, Abdulmaid Kiram Muin no Embaxaidór Repúblika Franseza, Jean-Charles Berthonnet.

Serimónia entrega kredénsiál sei hala’o iha iha Salaun Repúblika Popular Xina, Palásiu Prezidénsiál Nicolau Lobato.

Entretantu relasoens diplomátíkas Timor Leste ho nasaun tolu ne’e mak hanesan tuir mai:

Repúblika-da-Colombia

Relasoens diplomatíkas Timor Leste ho Colombia hahú iha loro-23, fulan Setembru Tinan-2008. Maibé dezde relasoens ne’e estabelese, seidauk iha asaun ida konsidera signifikativa hodi haboot no hametin liutan kooperasaun entre nasaun rua.

Hafoin vizita “ Agência Colombiana para a Reintegração” iha Tinan-2014, hodi troka experiénsias kona-ba konstrusaun pás no transizaun ba justisa, foin komesa iha kontaktu entre entidades nasaun rua hanesan Ministériu Negósius Estranjeirus no Kooperasaun, Sekretariadu Estadu Defesa no entidades sira seluk.

Husi kantaktu hirak  ne’e , iha ona hanoin atu nasaun rua bele estabelese akordu Kooperasaun Teknika iha futuru, hodi dinamiza relasoens bilaterais entre Timor Leste no Colombia.

Repúblika-das-Filipinas

Kooperasaun Timor Leste ho nasaun Filipinas hahú kedas dezde Timor Leste restaura nia independénsia iha Tinan-2002. Mas antes, entre povu, ema filipinas barak mak apoiu ona Timor Leste hodi luta ba nia direitu ba auto-determinasaun ka independénsia.

Timor Leste no Filipinas konkorda ona atu estabelese konsertasaun polítika hanesan mekanizmu ida hodi debate kona-ba asuntus bilaterais entre nasaun rua.

Governu Filipinas mós fó ona asisténsia téknika barak ba Timor Leste liu husi Programas Kapasitasaun iha area oioin, liuliu, iha area diplomasia no edukasaun.

Repúblika Franseza

Hanesan mós ho Repúblikas-das-Filipinas, relasoens diplomátikas Timor Leste ho Repúblika Franseza hahú kedas dezde Timor Leste restaura nia independénsia iha tinan-2002. Maske seidauk iha Embaixada iha Timor Leste, mas Repúblika Franseza koloka ona nia adidu kultura iha Timor Leste.

Kooperasaun entre Timor Leste ho Fransa bele haree husi:

  • Existénsia Empreza boot franseza iha transporte no lojístika, SVD, dezde 1999;
  • Kontratu boot ne’ebé Governu Timor Leste asina ho Grupu Frances Bollare estabelese, hodi konstrói Portu Tibar ho orsamentu USD 490 milloes;
  • Formasaun profesionál ONG- Triângulo Geração Humanitária(TGH)- Agua no saneamentu no kestoens jéneru ho Rede Europeia no Rede Feto, Casa Vida, Fokupers, Handicap International (HI)- Tibar Training Center, no seluseluk tan.

~Rohan~

Kredential_10_Outobru Kredential_10_Outobru