Prezidente-da-Repúblika nomeia atuál Xefe Estadu-Maior Jenerál F-FDTL no nia vise ba mandatu tinan ida

by prtlwebmaster Posted on

KOMUNIKADU IMPRENSA

Dili, 5 Outubru 2017

Prezidente-da-Repúblika nomeia atuál Xefe Estadu-Maior Jenerál F-FDTL no nia vise ba mandatu tinan ida

Palásiu Prezidente Nicolau Lobato, loron-5 fulan-Outubru, Prezidente-da-Repúblika, Francisco Guterres Lú Olo, ho proposta husi Governu no hafoin rona tiha Konsellu Superior Defeza no Seguransa, nomeia fila fali, Major-Jenerál Lere Anan Timur nu’udar Xefe Estadu-Maior Jenerál F-FDTL, liuhusi dekretu Prezidente-da-Repúblika no 65/2017, Brigadeiru-Jenerál Filomeno Paixão nu’udar Vise Xefe Estadu-Maior liuhusi dekretu Prezidente-da-Repúblika no 66/2017 no Koronél Falur Rate Laek, nu’udar Xefe-de-Estadu Maior F-FDTL, liuhusi dekretu Prezidente-da-Repúblika no 67/2017.

Major-Jenerál Lere Anan Timur, Brigadeiru-Jenerál Filomeno Paixão no Koronél Falur Rate Laek sei kontinua nafatin sira-nia knaar hahú husi loron-6 fulan Outubru tinan ida ne’e ho durasaun tinan ida.

Aleinde ne’e, liuhusi dekretu Prezidente-da-Repúblika no 69/2017, Xefe-de-Estadu mós nomeia José António do Rosário Soares hanesan Sekretáriu Konsellu Superior Defeza no Seguransa.