Ministru Aurélio Hasoru Prezidente-da-Repúblika

by prtlwebmaster Posted on

Ministru Aurélio Hasoru Prezidente-da-Repúblika

Palásiu Prezidente Nicolau Lobato, Bairo-Pite, Loron-12, Fulan Outubru, Prezidente-da-Repúblika Francisco Guterres Lú Olo, simu relatório kona-ba serbisu relasaun externa nian, hosi Ministru Negósiu Estranjeirus no Kooperasaun (MNEK), Aurélio Guterres.

Aleinde ko’alia kona-ba polítika externa no kooperasaun entre Timor Leste ho nasaun seluk, iha sorumutu ne’e, ko’alia mós kona-ba ezisténsia no serbisu sira ne’ebé embaixada Timor Leste hala’o iha rai liur.

Iha enkontru ne’e, Xefe-de-Estadu apresia serbisu no programa sira ne’ebé MNEK halo ona no sei hala’o iha tinan hirak ba oin.

Tuir Aurélio Guterres, MNEK sei kontinua konsolida relasaun externa, hodi adere Timor Leste ba komunidade Nasaun Sudeste Aziátiku, tanba ne’e, Aurélio subliña Timor Leste presiza prepara nafatin aspektu  polítika, segurança,sósiu-kultural no kontinua reforsa instituisaun Estadu hodi bele hola parte iha ASEAN.

Mídia PR