PM Aprezenta Lista Finál membru VII Governu Konstitusionál ba PR

by prtlwebmaster Posted on

Palasiu Prezidente Nicolau Lobato, loron-5 fulan- Outubru,  Primeiru  Ministru VII Governu Konstitusionál Mari Alkatiri hala’o reniuan semanál ho Prezidente-da-Repúblika Francisco Guterres Lú Olo hodi aprezenta lista finál  ba membru VII  Governu  Konstitusionál.

Hafoin enkontru ho Prezidente-da-Repúblika, Primeiru  Ministru informa sei iha tan membru Governu foun na’in haat, kompostu husi  mane na’in rua no feto rua ne’ebé sei kompleta komposizaun VII Governu Konstitusionál.

Kona- ba naran membru governu foun ne’ebe mak involve iha lista ne’e,  Mari Alkatiri hatete, ida  ne’e kompeténsia Prezidente-da-Repúblika nian atu  fó sai, liu husi dekretu Prezidente-da-Repúblika.

Aleinde ne’e, Primeiru Ministru mós hato’o ba  Xefe-de-Estadu kona-ba situasaun atual nasaun nian, liuliu kona-ba aprezentasaun programa  VII Governu  ba Parlamantu Nasionál.

Mídia PR