Prezidente Parlamentu Nasionál Hasoru Prezidente-da-Repúblika

by prtlwebmaster Posted on

 

Palásio Prezidente Nicolau Lobato Bairro Pite loron-11 fulan-Outubru, Prezidente-da-Repúblika Francisco Guterres Lú Olo hala’o enkontru ho Prezidente Parlamentu Nasionál Aniceto Longinhos Guterres hodi buka hatene kona-ba serbisu ne’ebé mak segundu orgaun estadu ne’e hala’o ona.

Iha sorumutu ne’e, Aniceto Guterres relata ba Xefe-de-Estadu katak, serbisu sira iha Parlamentu Nasionál funsiona hanesan baibain no oras ne’e reuniaun entre komisaun espesializadas la’o dadaun.

Aniceto Guterres hatutantan, Parlamentu Nasionál konvida ona membru governu balu, hodi hatan ba deputadu sira-nia kestoens no informa mós ba Xefe-de-Estadu katak debate programa VII Governu Konstitusionál sei hahú iha loron 16 to’o 20 Outobru.

Mídia PR