PDHJ konvida PR atu halo abertura ba Semináriu Nasionál Manuál Treinamentu F-FDTL

by prtlwebmaster Posted on

 

Palásiu Prezidente Nicolau Lobato, loron-13 fulan- Outubru, Prezidente-da-Repúblika Francisco Guterres Lú Olo hasoru malu ho Provedór Direitus Umanus no Justisa (PDHJ), Silveiro Pinto Baptista.

Iha reniuan ne’e, Silveiro Pinto konvida Prezidente-da-Repúblika nia disponibilidade atu halo abertura ba Semináriu Nasionál kona-ba Manuál Treinamentu Falintil-Forsa Defeza Timor-Leste (F-FDTL).

Hatan ba konvite ne’e, Prezidente-da-Repúblika agradese no hato’o nia disponibilidade tomak atu partisipa iha semináriu ne’e no sei hato’o mós nia liamenon ba Partisipantes sira.

Semináriu ne’e organiza husi Provedoria Direitus Umanus no Justisa hamutuk ho Falintil-Forsa Defeza Timor-Leste (F-FDTL), Ministériu Defeza no Seguransa no Kaza Militár Prezidénsia-da-Repúblika.

Tuir ajenda semináriu refere sei realiza iha loron-20 fulan- Novembru ho materia prinsipál kona-ba aréa direitus umanus no sei partisipa de’it husi membrus F-FDTL ho diviza Maijor ba leten.

Mídia PR