Prezidente-da-Repúblika Rona Relatóriu-Serbisu Embaixadór Timor Leste ba Santa Sé.

by prtlwebmaster Posted on

Prezidente-da-Repúblika Rona Relatóriu-Serbisu Embaixadór Timor Leste ba Santa Sé.

Palásiu Prezidente Nicolau Lobato, loron-19 fulan-Outubro, Embaixadór Timor-Leste ba Santa Sé (Vatikanu) Egas da Costa Freitas hasoru malu ho Prezidente-da-Repúblika Francisco Guterres Lú Olo.

Iha sorumotu ne’e Egas da Costa Freitas informa ba Xefe-de-Estadu kona-bá ninian serbisu sira hanesan reprezentante Timor –Leste iha Santa Sé, durante tinan ida ho balu nia laran.

Ba Xefe-de-Estadu Egas da Costa relata kona-ba ninia enkontru ho Amu Papa Francisco, ne’ebé nia informa kona-ba relasaun di’ak entre Estadu ho Dioseze tolu iha Timor Leste, ne’ebé lidera husi Bispu Dom Virgílio do Carmo, Bispu Dom Basílio Nascimento no Bispu Dom Norberto do Amaral.

Egas da Costa Freitas haktuir, Amo Papa apresia tebes relasaun di’ak igreja no Estadu Timor Leste no hatete Santa Sé akompaña nafatin prosesu dezenvolvimentu iha Timor Leste.

Prezidente-da-Repúblika iha enkontru ne’e hatudu nia satisfasaun ba serbisu ne’ebé Embaixadór Egas da Costa Freitas dezenvolve hodi hametin relasaun Timor Leste no Santa sé no espera bainhira fila hikas ba Santa Sé, embaixadór timoroan ne’e bele hala’o nia serbisu ho di’ak liu tan.

Mídia PR