Komando Jerál PNTL Komisáriu Julio Hornai no 2º Komandante Komisáriu Faustino da Costa hala’o reuniaun mensál ho Prezidente-da-Repúblika

by Mídia PR Posted on

Palásiu Prezidente Nicolau Lobato, loron-9 fulan-Novembru, Komando Jerál Polísia Nasionál Timor-Leste Komisáriu Julio Hornai no 2º Komandante Komisáriu Faustino da Costa hala’o reuniaun mensál ho Prezidente-da-Repúblika hodi hato’o ba Xefe-de-Estadu kona-ba situasaun seguransa iha rai-laran no asuntu PNTL ninian.

Julio Hornai hatete situasaun en jerál iha Timor laran tomak la’o ho hakmatek maibe iha insidentes balu ne’ebé akontese hanesan: feto ida ema tiru ho rama ambon iha Lautem, membru komunidade baku padre no eskuteiru sira iha Suai, insediu iha Bobonaro, assalta malu iha Baucau, kapturasaun ba membru arte rituais ‘77’.

Julo Hornai informa katak koordenasaun serbisu entre F-FDTL no PNTL la’o di’ak tebes hodi assegura nafatin estabilidade no pás iha rai-laran.

Mídia PR