Reprezentante Agrikultór Konvida PR ba Abertura Kongresu

by Mídia PR Posted on

Reprezentante Agrikultór Konvida PR ba Abertura Kongresu

Palásiu Prezidente Nicolau Lobato, loron-14 fulan-Novembru, reprezentante Uniaun Agrikultura Ermera (UNAER), Movimentu Populár Reformasaun Agrária (MPRA) Kdadalak Sulimutu Instituto (KSI) no ) hasoru malu ho Prezidente-da-Repúblika Francisco Guterres Lú Olo hodi ko’alia kona-ba kongresu dahuluk agrikultór Munisípiu Liquisa.

Movimento Popular Reformasaun Agrária sei hala’o nia kongresu dahuluk iha 23 Novembru 2017 iha Liquisa. Iha biban ne’e reprezentante husi MPRA konvida Prezidente-da-Repúblika halo abertura ba kongresu agrikultór Munisípiu Liquisa ne’ebé luta ba reforma agraria.

Reprezentante husi organizasaun tolu ne’e hato’o mós sira-nia preokupasaun kona-ba situasaun polítika atuál iha rai-laran relasiona ho diverjensia ne’ebé mosu entre lider partidu polítiku kona-ba formasaun Governu. Agrikultór sira husu ba Xefe-de-Estadu atu bele jere situasaun ne’e ho di’ak, kria dialógu ho lider istóriku sira hodi bele estabililza fali situasaun polítika atu nune’e to’os-na’in sira bele hala’o serbisu ho hakmatek.

Prezidente-da-Repúblika apresia agrikultór sira-nia preokupasaun ba situasaun polítika atuál. Xefe-de-Estadu informa katak iha aban loron-15 fulan Novembru, sei halo dialogu ho lidér istóriku sira hodi bele ultrapasa situasaun ne’ebé sai preokupasaun ema hotu ninia, inklui agrikultór sira.

Mída PR