SERBISU SOSIEDADE SÍVIL PREZIDÉNSIA-da-REPÚBLIKA ENTREGA APOIU BA VÍTIMAS-INSÉNDIU IHA BOBONARO

by Mídia PR Posted on


Prezidénsia-da-Repúblika liu husi Serbisu Sosiedade Sivil no Assuntu Sosiais, desloka ba Postu Administrativa Bobonaro, Suku Maliubu, Aldeia Likaubu, iha-31 fulan-Janeiru.

Objetivu husi vizita ne’e mak hato’o apoiu-umanitariu ba vítima inséndiu ne’ebé akotense iha aldeia ne’e, iha fulan-Outubru 2017.

Assessór Prezidente-da-Repúblika, Paulo Maia no Koordenadór Serbisu Sosiedade Sívil, Armindo dos Santos, iha okaziaun ne’eba entrega ba vítimas sira, apoiu nesesidades bazikas hanesan hahan,roupa no materias eskola nian.

Apoiu sira ne’e entrega ba reprezentante familia vítima, Candido Moniz ne’ebé hato’o agradesimentu wa’in ba Prezidente-da-Repúblika nia sensibilidade no solidaridade hodi akompaña sira-nia situasaun.

Purtantu Serbisu Sosiedade Sivil Prezidensia da Repúblika entrega mós apoiu ba vítima iha munisípiu Ermera.

Mídia PR