JULIO HORNAY RELATA SEGURANSA IHA RAI-LARAN BA PR

by Mídia PR Posted on


Palásiu Prezidente Nicolau Lobato, Loron-15 fulan-Fevereiro – Komandante Jerál PNTL Komisáriu Julio da Costa Hornay no Vise Komandante Jerál Komisáriu Faustino da Costa hala’o reuniaun semanál ho Prezidente-da-Repúblika Francisco Guterres Lú Ol hodi hato’o situasaun seguransa iha rai-laran no PNTL nia preparasaun ba eleisaun antesipada.

Julio Hornay hateten katak situasaun seguransa iha territóriu tomak la’o hakmatek. Iha insidentes no asidentes balu ne’ebé akontese. Iha semana ida nia laran iha insidentes 31 no asidentes 40 ne’ebé PNTL identifika liu husi operasaun iha terrenu no atividade iha munísipiu sira.

Komandante Jerál PNTL hatutan katak atu asegura eleisaun antesipada ho di’ak, hahú husi kampaña to’o eleisaun, mak oras ne’e daudaun Polísia Nasionál Timor-Leste (PNTL) identifika ona fatin sira ne’ebé konsidera risku, hodi halo prevensaun antes kampaña ba eleisaun antesipada ne’ebé sei hala’o iha fulan hirak mai oin.
Mídia PR