Palásiu Prezidente Nicolau Lobato, Loron- 13 fulan-Marsu – Komisaun Organizadora festa “Bodas de Ouro” ka Tinan-50 Parokia São Francisco Xavier Dare, Diocese Dili, ne’ebé lidera husi Pe. Abril Lopes ho delegasaun, hasoru malu ho Prezidente-da-Repúblika Francisco Guterres Lú Olo.
Objetivu husi reniuan ne’e maka atu konvida Prezidente-da-Repúblika hodi partisipa iha missa “Bodas de Ouro” parókia ne’e nian, ne’ebé sei realiza iha loron-18 fulan – Agostu, tinan ida ne’e, iha Dare.
Delegasaun ne’e mós husu Prezidente-da-Repúblika nia disponibidade atu sai oradór iha Kongresu Jornada Nasionál Joventude ne’ebé sei realiza iha loron 15 -17 fulan Agusto, ho tema “Juventude pro Patria e Igreja “ . Eventu ida ne’e sei partisipa husi joventude sira husi Diocese Baucau, Maliana no Dili.
Prezidente-da-Repúblika agradese konvite hosi komisaun organizadora no sei haree posibilidade tuir ajenda ne’ebé iha, atu partisipa iha festa komemorasaun hamutuk ho komunidade sira hosi Parókia São Francisco Xavier Dare.
Mídia PR