PREZIDENTE-DA-REPÚBLIKA APRESIA UNIÃO NACIONAL DOS ESCUTEIROS DE TIMOR-LESTE

by Mídia PR Posted on

Palásiu Prezidente Nicolau Lobato, loron-3 fulan-Abril – Prezidente-da-Repúblika Francisco Guterres Lú Olo apresia serbisu União dos Escuteiro de Timor-Leste (UNETL) tanba kapasita foin-sa’e timoroan ho karákter. Iha soromutu ho delegasaun eskuteiru husi Konsellu Rejionál Asia-Pasífiku ne’ebé lidera husi nia Prezidente Paul Parkinson, Prezidente-da-Repúblika hato’o nia orgullu tanba organizasaun ne’e simu ona sai membru ba eskutismu mundiál iha Agostu 2017.

Nu’udar patronu no Prezidente-da-Repúblika sei kontinua fó apoiu ba UNETL hodi bele kontinua halo sira-nia aktividade hodi prepara foinsa’e ho karakter no tuir identidade ti
moroan ninian. Xefe-de-Estadu husu ba delegasaun ne’e atu konta nafatin nia apoiu ba programa UNETL.

Prezidente Konsellu Rejionál Asia Pasífiku Paul Parkinson agradese apoiu ne’ebé Prezidente-da-Repúblika nu’udar patronu fó ba organizasaun durante ne’e tanba investimentu ba UNETL hanesan mós investimentu ba futuru.

Mídia PR