EMBAIXADÓR EJIPTU KO’ALIA KOOPERASAUN HO PREZIDENTE-da-REPÚBLIKA

by Mídia PR Posted on

Palásiu Prezidente Nicolau Lobato, Kuarta-feira, loron-12 fulan-Setembru, Embaixadór Ejiptu iha Timor-Leste Ahmed Moawad hasoru malu ho Prezidente-da-Repúblika Francisco Guterres Lú Olo, hodi infoma kooperasaun ne’ebé harii tiha ona entre nasaun rua.

Embaixadór informa ba Prezidente-da-Repúblika kona-ba oinsá haree posbilidade hatu dezenvolve kooperasaun entre nasaun rua husi parte bilaterál no multilaterál. Embaixadór ne’e espera katak relasaun entre nasaun rua ne’e bele forte liu tan iha futuru.

Embaixadór Ejiptu ne’e, hakuir katak, Prezidente-da-Repúblika apresia nasaun Ejiptu nia kompromisu hodi kontinua hala’o relasaun di’ak ho Estadu Timor-Leste. Prezidente-da-Repúblika hatete katak asuntu sira ne’ebé mak hato’o liuhusi enkontru ne’e sei hato’o ba Xefe-de-Governu liu husi reuniuan regulár.

Mídia PR