GOVERNU APREZENTA OGE 2019 IHA FULAN- NOVEMBRU

by Mídia PR Posted on

Palásiu Prezidente Nicolau Lobato, Kinta-feira loron-11 fulan-Outubru, Primeiru Ministru Taur Matan Ruak, hala’o reniaun semanál ho Prezidente-da-Repúblika Francisco Guterres Lú Olo, hodi informa serbisu Governu nian, liuliu preparasaun Governu atu aprezenta Orsamentu Jerál 2019.

Taur Matan Ruak hatete orsamentu ba tinan fiskal 2019, sei aprezenta ba Parlamentu Nasionál iha loron-8 fulan Novembru.

Relasiona ho nomeasaun Xefe Estadu Maior Forsas Armadas nian, Primeiru Ministru hatete proposta Konsellu Ministru nian ba nomeasaun ne’e, Governu sei entrega ba Prezidente-da-Repúblika hodi foti desizaun ikus.

Ba kestaun ida ne’e Xefe-de-Estadu hatete, “Proposta ne’e ha’u simu tiha ona horseik, maibé ha’u hatete ba Señor Primeiru Ministru katak ha’u iha rezervas boot, enrelasaun ba termu-de- mandatu Señor Xefe-de- Estadu Maior Forsas Armadas Jenerál Lere Anan Timur ninian. Entretantu ba Xefe Estadu Maior, Señor Coliaty, nia sei simu tomada de posse iha tempu oin mai”.

Mídia PR