KOMANDANTE-JERÁL NO ADJUNTU PNTL AGRADESE PREZIDENTE REPÚBLIKA

by Mídia PR Posted on

Palásiu Prezidensiál Nicolau Lobato, Dili, 28 marsu 2019

Komandante-Jerál PolísiaNasionál Timor-Leste (PNTL) Komisariu Faustino da Costa, akompaña hosi Adjuntu komisariu Mateus Fernandes hala’o enkontru dahuluk ho Prezidente Repúblika Francisco Guterres Lú Olo.

“Loron dahuluk ami rua hala’o servisu,agradese ba Prezidente Repúblika ne’ebé horisehik marka prezensa iha ami-nia Serimónia Aniversáriu no tomada de posse. Ami agradese tebetebes ba prezensa hodi haforsa ami-nia servisu. Prezensa hanesan dezafia ba ami-na’in rua para halo duni mudansa ba Instituisaun Polísia Nasionál Timor-Leste”, Komisariu Faustino da Costa informa ba jornalista sira.

Xefe Estadu husu ba Komandante-Jerál ho nia adjuntu atu hala’o nafatin servisu tuir komprimisu ne’ebé hato’o iha diskursu tomada de posse.

Komandante-Jerál PNTL garante katak ba oin sei hala’o servisu di’akliutan nune’e movimentu transporte no atividade ekonomia bele la’o oras 24 nia-laran.

MÍDIA PR