PREZIDENTE REPÚBLIKA FÓ KONDEKORASAUN BA VETERANU NA’IN-25

by Mídia PR Posted on

Palásiu Prezidensiál Nicolau Lobato, 20 maiu 2019

Iha loron restaurasaun independénsia ba dala-17, Prezidente Repúblika Francisco Guterres Lú Olo fó kondekorasaun Kolár Orden ba veteranu na’in-sanulu no Medalla Orden Timor-Leste ba veteranu na’in-15 iha Palásiu Prezidensiál Nicolau Lobato.

Liuhusi Dekretu Prezidente Repúblika númeru 18/2019, Xefe Estadu rekoñese no valoriza veteranu ne’ebé dedika an tomak no sara an atu liberta pátria husi okupasaun estranjeira. Veteranu na’in-25 ne’ebé hetan kondekorasaun tanba dedikasaun exkluziva ita luta libertasaun nasionál.

Sidadaun sira ne’ebé hetan kondekorasaun “Kolar Orden Timor-Leste” mak kolaboradór Xefe estadu Maiór José Agostinho Sequeira ‘Somotxo Matar Mimiraka’, Primeiru Komandante Rejiaun no Sekretáriu Rejiaun II Américo Ximenes ‘Sabika Besi Kulit’.

Prezidente Repúblika fó kondekorasaun “Kolar Orden Timor-Leste”, a títulu póstume ba Xefe Estadu Maiór Reinaldo Freitas Belo ‘Kilik Wai Gae’, Kolaboradór Xefe Estadu Maiór Afonso Henrique Monteiro ‘Kaluwai’, Komandante Rejiaun Haksolok Venancio ramos Amaral Ferraz, Primeiru Komandante Rejiaun IV Virgilio dos Anjos ‘Ular Rihik’, Adjuntu Polítiku Militár Rejiaun III Felisberto Maria dos Santos ‘Solep Solep’, Adjunta Políku tiku Militár Rejiaun III Etelvina Fernandes Belo ‘Bi-doli-mau’, Komisáriu Polítiku José Maria do Rosário Albano da Costa, Adjuntu Polítiku Militár Rejiaun III Diogo Bonaparte Soares ‘Lorsan’.

Sidadaun ne’ebé hetan kondekorasaun “Medalla Orden Timor-Leste” ba Segundu Komandante Manuel Freitas ‘Lenicai’, Komandante Pelotaun Fernando Bere-Du’u Gusmão, Komandante Orlando Jerónimo da Costa ‘Serasa’, Komandante Seksaun João Cabral ‘Mau Wairia’, Soldadu António da Costa ‘Derak’, Soldadu Lourenço da Silva Freitas ‘Parli’, Soldadu Armando Viegas ‘Atchatei’.

Xefe Estadu fó Kondekorasaun “Medalla Orden Timor-Leste”, a títulu póstume ba Primeiru Komandante Sextu Kompañia Rejiaun Haksolok Januário Xavier ‘Lekas’, Primeiru Komandante Kintu Kompañia Rejiaun Nakroman Filomeno da Silva ‘Mer Sabala’, Primeiru Komandante Destakamentu Norte/Rejiaun Haksolok Henrique de Oliveira ‘Sama Lae’, Komandante Kompañia Roberto das Neves ‘Txaibada’, Asistente Polítiku Militár Rejiaun Haksolok Regina Xavier ‘Mahon’, Komandante Seksaun Cesário Ximenes ‘Liter’, Soldadu Domingos Pinto ‘Funu Kiak’ no Soldadu Agostinho Sarmento ‘Mautino’.

Orden Timor estabelese ho Dekretu-Lei númeru 20/2009 atu rekoñese sidadaun estranjeiru no nasionál ne’ebé fó sira-nia kontribuisaun ba Timor-Leste liuhusi aksaun ne’ebé lori mudansa ba Timor-Leste no umanidade.

MÍDIA PR