PREZIDENTE REPÚBLIKA KO’ALIA KOOPERASAUN HO NORUEGA

by Mídia PR Posted on

Palásiu Prezidensiál Nicolau Lobato, 08 maiu 2019

Prezidente Repúblika Francisco Guterres Lú Olo, hala’o enkontru ho Vice-Ministra dos Negósios Estranjeirus Reinu Noruega, Sra. Marianne Hagen, ko’alia kona-ba kooperasaun ne’ebé nasaun Timor-Leste no Reinu da Noruegia hafoin independénsia.

Timor-Leste no Noruega servisu hamutuk desde ukun-an to’o ohin loron liuhosi projetu Fundu Petrolíferu no Peskas. Aleinde ko’alia mós kooperasaun ba futuru hanesan mudansa klimátika no utilizasaun tasi ho dalan sustentavel.

Timor-Leste no Noruega sei hametin kooperasaun bazeia ba interese mutua. Timor-Leste no Noruega nu’udar nasaun rua ho tasi ne’ebé luan. Utilizasaun tasi ho dalan sustentavel sai asuntu ba kooperasaun entre nasaun rua iha futuru.

Hafoin Timor-Leste nia independénsia, Noruega fó apoiu ba Timor-Leste liuhusi instituisaun internasionál sira no diretamente ba Governu no organizasaun sosiedade sivil. Kooperasaun Noruega ho Timor-Leste ida mak estabelesimentu Fundu Petrolíferu.

MÍDIA PR