SORUMUTU HO KOMISÁRIU FUNSAUN PUBLIKA XEFE ESTADU HUSU DIGNIFIKA ATENDEMENTU BA POVU

by Mídia PR Posted on

Palásiu Prezidensiál Nicolau Lobato, Dili, 18 Jullu 2 019
Prezidente Repúblika Francisco Guterres Lú Olo iha audiensia ho Prezidente Komisaun Funsaun Públika (KFP), Faustino Cardoso Gomes no Komisáriu sira husu atu mellora servisu atendementu ba públiku.

“Hanesan Prezidente Repúblika, Ha’u preukupa ho funsionamentu administrasaun públika. Ha’u husu atu atende povu-nia nesesidade ho dignu”.

Xefe Estadu fó apoiu tomak ba inisiativa husi KFP atu mellora sistema funsionamentu funsaun publika nian, liuhusi Dekretu Lei Planeamentu Forsa Traballu ne’ebé dadaun ne’e KFP elabora hela.

Liu husi dekretu lei ne’e, KFP sei avalia ho klean ba asuntu sira hanesan reforma no produtividade servisu, promosaun, avaliasaun dezempeñu, atendementu publiku no asuntu importante sira ne’ebé bele tulun moderniza Funsaun Publika (FP) iha futuru.

Iha sorumutu ne’e mós Prezidente Repúblika simu Relatóriu Annual Tinan-2018 Komisaun Funsaun Públika nian.

Relatóriu ne’e deskreve implementasaun programa KFP nian ne’ebé koresponde ba Planu Asaun Annual, Planu Estratéjiku KFP no Planu Estratéjiku Nasionál 2030. Relatóriu ne’e halo mós analiza globál kona-ba situasaun FP nian.

Prezidente Repúblika louva servisu ne’ebé KFP presta ona no sei fó apoiu tomak atu hadia di’ak liután Funsaun Públika iha futuru.

MÍDIA PR