Palásiu Prezidensiál Nicolau Lobato, Dili, 19 setembru 2019
Prezidente Repúblika Francisco Guterres Lú Olo simu vizita kortezia Ministra Defesa Austrália Linda Reynolds agradese apoiu tomak ne’ebé Governu Australia oferese mai Timor-Leste, hahú kedas husi prezensa International Force for East Timor (INTERFET) lidera husi Peter Cosgrove ba manuntensaun pás no apoiu dezenvolvimentu hafoin Timor-Leste hetan nia independénsia.
Prezidente Repúblika agradese ba ró-ahi rua ne’ebe Governu Australia oferese ba Timor-Leste.
Ministra Defeza, Linda Reynolds, ko’alia kona-ba kooperasaun entre nasaun rua, liuliu iha area militár. Ministra Defeza sei hala’o sorumutuk ho Ministru Defeza Filomeno Paixão atu ko’alia liután kooperasaun iha area defeza nian.
Ministra Defeza rejista progresu di’ak iha area defeza no seguransa no nu’udar belun di’ak orgullu haree Timor-Leste sai nasaun demokrátiku, forte no hakmatek. Progresu sira ne’e sei hametin liután relasaun entre nasaun rua. Tratadu Fronteira Marítima ne’ebé nasaun rua asina hatudu katak iha kolobarosaun hamutuk atu asegura liután seguransa tasi hasoru peska illegal no trafiku umanu.
Xefe Estadu espera katak nu’udar nasaun viziñu kooperasaun entre Australia no Timor-Leste sei metin liután husi ohin ba futuru.
MÍDIA PR