PREZIDENTE REPÚBLIKA ENKORAJA UNE-TL HAMETIN FORMASAUN KARAKTER

by Mídia PR Posted on

 

Palásiu Prezidensiál Nicolau Lobato, Dili, 24 setembru  2019

Prezidente Repúblika, Francisco Guterres Lú Olo, enkoraja Prezidente União Nacional dos Escuteiros de Timor-Leste (UNE-TL,) Idelta Maria Rodrigues, atu kontinua serbisu hametin formasasaun karater juventude.

Prezidente Repúblika no mós nu’udar patronu ba UNE-TL apresia konseitu revolusaun karater tanba ne’e husu atu kontinua fó formasaun ba juventude atu hadomi sira-nia Pátria, hatene moris hamutuk ho juventude, iha sosiedade, koñese an rasik atu la’o ba objetivu ida.

Iha enkontru ne’e Prezidente União Nacional dos Escuteiros de Timor-Leste (UNE-TL), relata ba Xefe Estadu atividade sira ne’ebe UNE-TL halo ona hodi kontribui ba dezenvolvimentu karakter juventude Timor-Leste no relata atividade internasionais ne’ebé UNE-TL tenke kumpri hanesan membrus movimentu escuteiros mundial.

UNE-TL agora dadauk halo esforsu  servisu hamutuk ho ministériu edukasaun, atu implementa atividade extra-kurikuler ho eskuiteiru iha eskola públika Timor-Leste laran tomak atu ajuda dezenvolve karater sidadania juventude sira nian, tanba eskola la’ós de’it ba aprende siénsia maibé mós fatin ba formasaun karater no interasaun entre juventude sira.

 

MÍDIA PR