Palásiu Prezidensiál Nicolau Lobato, Dili, 23 setembru 2019
Embaixadór Repúblika Populár Xina, Xiao Jianguo, aprezenta Prezidente Repúblika Xina, Xi Jinping nia felisitasaun aniversáriu tinan moris dala-65 ba Prezidente Repúblika, Francisco Guterres Lú Olo.
Embaixadór Xina informa mós kona-ba kooperasaun entre nasaun rua iha área edukasaun, saude, agrikultura, petroleu no ba futuru atu hametin liután relasaun povu ho povu liuhusi sister city.
Xefe Estadu agradese relasaun bilateral durante ne’e no sei buka dalan oioin atu hametin liután kooperasaun.
Iha oportunidade ne’e, Prezidente Repúblika, Francisco Guterres Lú Olo, antesipadamente kongratula Xina ne’ebé sei selebra nia tinan-70 Aniversáriu Repúblika Populár, iha 1 outobru hodi dezeja prosperiedade ba pais no felisidade ba povu.
MÍDIA PR