Autoridade no Dever

Juramentu, responsabilidade, responsabilidade kona-ba órgaun sira seluk, relasaun internasionál sira, podér vetu:

[title size=”1″]Juramentu[/title]

Ha’u jura ba Maromak, ba Povu no ba ha’u-nia onra katak ha’u sei halo tuir loloos knaar ne’ebé ha’u simu, halo tuir no haruka halo tuir Lei-Inan no lei-oan sira no fó ha’u-nia kbiit no kapasidade tomak atu tuba-netik no hametin ukun an rasik no unidade nasaun nian.

Prezidente Repúblika maka Xefe Estadu, símbolu no garantia independénsia nasionál no unidade Estadu nian, no instituisaun demokrátika sira-nia funsionamentu regulár. Prezidente Repúblika maka Komandante Aas Liu Forsa Armada sira-nian.

[title size=”1″]Knaar no responsabilidade sira[/title]

Prezidente Repúblika de’it mak sei hala’o knaar hirak-ne’e:

  • Promulga diploma lejizlativu no haruka publika rezolusaun husi Parlamentu Nasionál ne’ebé aprova akordu no ratifika tratadu no konvensaun internasionál sira;
  • Hala’o kompeténsia kona-ba knaar Komandante Supremu Forsas Armadas nian;
  • Hala’o direitu veto kona-ba diploma lejizlativu nian, iha prazu loron 30 nia laran hahú husi loron simu nian;
  • Foti no fó pose ba Primeiru Ministru ne’ebé partidu ka aliansa partidu sira ho maioria parlamentár sei foti, wainhira rona partidu polítiku sira-ne’ebé iha Parlamentu Nasionál;
  • Husu Tribunál Supremu Justisa nian kona-ba apresiasaun preventiva no ba fiskalizasaun abstratu konstitusionalidade norma sira-nian, no mós haree inkonstitusionalidade tan omisaun;
  • Hato’o ba referendu problema boot interese nasionál nian, tuir termu sira iha Artigu 66 husi Konstituisaun RDTL;
  • Deklara estadu serku nian ka estadu emerjénsia, tuir Parlamentu Nasionál haruka, wainhira rona tiha ona Konsellu-Estadu, Governu no Konsellu Superiór Defeza no Seguransa nian;
  • Deklara funu ka halo dame, tuir proposta Governu nian, wainhira rona tiha ona Konsellu-Estadu, Governu no Konsellu Superiór Defeza no Seguransa nian, tuir Parlamentu Nasionál haruka;
  • Rona tuir Governu, atu fó perdaun ka hamenus kastigu;
  • Konfere, tuir lei, títulu onorífiku, kondekorasaun no mós distinsaun.
[title size=”1″]Kompeténsia relasiona ho órgaun sira seluk[/title]

Prezidente Repúblika nia knaar kona-ba órgaun seluk:

  • Prezide Konsellu Superiór Defeza no Seguransa;
  • Prezide Konsellu Estadu;
  • Marka, tuir lei, loron eleisaun ba Prezidente Repúblika no ba Parlamentu Nasionál;
  • Halo konvokasaun estraordinária Parlamentu Nasionál nian, wainhira iha razaun boot kona-ba interese nasionál;
  • Fó-sai lia-tatoli ba Parlamentu Nasionál no ba nasaun;
  • Hakotu Parlamentu Nasionál, iha kazu krize boot institusionál nian ne’ebé labele iha formasaun governu ka aprovasaun Orsamentu Jerál Estadu nian, iha tempu naruk liu loron neenulu, wainhira rona tiha ona partidu polítiku sira-ne’ebé hetan kadeira iha Parlamentu Nasionál, no rona Konsellu Estadu, iha tempu ne’ebé laiha kdasar jurídiku atu hala’o disolusaun, tenke haree tuir regra iha Artigu 100 husi Konstituisaun RDTL;
  • Hatún Governu no ezonera Primeiru Ministru nian, wainhira Parlamentu Nasionál la simu nia programa dala rua tuituir malu;
  • Foti, fó pose no hasai membru Governu nian, tuir proposta Primeiru-Ministru nian, iha termu nr. 2 Artigu 105 husi Konstituisaun RDTL;
  • Foti membru rua ba Konsellu Superiór Defeza no Seguransa nian;
  • Foti Prezidente Tribunál Supremu Justisa no fó pose ba Prezidente Tribunál Superiór Administrativu, Fiskál no Kontas nian;
  • Foti Prokuradór Jerál Repúblika nian hodi hala’o knaar iha tinan haat nia laran;
  • Foti no hasai Adjuntu Prokuradór Jerál Repúblika nian sira tuir termu sira nr. 6 Artigu 133 husi Konstituisaun RDTL;
  • Tuir proposta Governu nian, Xefe Estadu Maiór Jenerál Forsa Armada, Vise-Xefe Estadu Maiór Jenerál Forsa Armada no Xefe Estadu Maiór Forsa Armada nian, rona tuir, iha kazu ikusmai ne’e, Xefe Estadu Maiór Jenerál Forsa Armada nian;
  • Foti membru lima ba Konsellu Estadu;
  • Foti membru ida ba Konsellu Superiór Majistratura Judisiál no mós Konsellu Superiór Ministériu Públiku nian.
[title size=”1″]Kompeténsia relasiona ho relasaun internasionál sira[/title]

Prezidente Repúblika de’it mak iha domíniu kona-ba relasaun internasionál sira:

  • Deklara funu, wainhira iha ka atu iha agresaun, halo dame, tuir proposta Governu nian, rona tiha Konsellu Superiór Defeza no Seguransa nian, no wainhira Parlamentu Nasionál no ninia Komisaun Permanente fó autorizasaun;
  • Foti no hasai embaixadór, reprezentante permanente no enviadu estraordináriu sira, tuir proposta Governu nian;
  • Simu karta kredensiál no simu akreditasaun hosi reprezentante diplomátiku raiseluk sira-nian;
  • Hamutuk ho Governu, sei hala’o prosesu kontratu hotu-hotu atu hetan akordu internasionál iha área defeza no seguransa nian.
[title size=”1″]Promulgasaun no vetu[/title]
  • Iha prazu loron tolunulu nia laran, hahú hosi simu diploma naran ida husi Parlamentu Nasionál atu promulga hanesan lei, Prezidente Repúblika bele promulga ka uza direitu vetu nian, hodi husu apresiasaun foun kona-ba lia-tatoli ne’e ho fundamentu;
  • Maka Parlamentu Nasionál, iha prazu loron sianulu nia laran, konfirma karik votu tuir maioria absoluta Deputadu sira-nian, ne’ebé serbisu hela, Prezidente Repúblika sei promulga diploma ida-ne’e, iha prazu loron 8 nia laran, hahú husi loron ne’ebé nia simu;
  • Ne’e mós sei presiza, maioria katoluk rua (2/3) Deputadu sira-ne’ebé prezente, no tenke liu maioria absoluta Deputadu sira-ne’ebé serbisu hela, atu konfirma diploma sira-ne’ebé iha matéria Artigu 95 nian husi Konstituisaun RDTL;
  • Iha prazu loron haatnulu nia laran sura husi simu diploma naran ida Governu nian atu promulga, Prezidente Repúblika bele promulga no uza ninia direitu vetu, hodi hakerek ba Governu fó-hatene nia vetu katak sá.

Leave a Reply

Your email address will not be published. Required fields are marked *