Insígnia Nasional (Tetum)

BANDEIRA

125px-Flag_of_East_Timor.svg

Bandeira Nasionál nia forma maka retangulár no triángulu izóseles rua hosi hun hanesan,

ne’ebé tetek malu, ida metan nia aas ho katoluk ida (1/3) hosi naruk ne’ebé hatetek

iha kór-kinur nia leten no nia aas hanesan ho naruk sorin balu bandeira nian. Iha

triángulu kór-metan nia klaran iha fitun mutin no sanak lima nu’udar naroman ne’ebé hatudu

dalan. Fitun-mutin nia sanak ida fila ba bandeira nia parte leten hosi liman karuk. Parte balun

hosi bandeira nian iha kór-mean.

[checklist icon=”Bandeira” iconcolor=”” circle=”yes”]

  • Kinur – kolonializmu nia ain-fatin ne’ebé pertense ba istória Timor-Leste nian
  • Metan – nakukun ne’ebé presiza halakon
  • Mean – funu ba libertasaun nasionál
  • Mutin – dame.

[/checklist]

INU NASIONÁL

INU NASIONÁL

“Pátria” mak inu nasionál husi Repúblika Demokrática Timor-Leste nian. Francisco Borja da Costa mak hakerek letra no Afonso Redentor Araújo kompoin múzika iha tinan 1975. Hafoin Restaurasaun Independénsia iha tinan 2002, “Pátria” sai inu nasionál ba Timor-Leste.

Pátria, Pátria, Timor-Leste, nossa Nação.
Glória ao povo e aos heróis da nossa libertação.
Pátria, Pátria, Timor-Leste, nossa Nação.
Glória ao povo e aos heróis da nossa libertação.
Vencemos o colonialismo, gritamos:
abaixo o imperialismo.
Terra livre, povo livre,
não, não, não à exploração.
Avante unidos firmes e decididos.
Na luta contra o imperialismo
o inimigo dos povos, até à vitória final.
Pelo caminho da revolução.

EMBLEMA NASIONÁL

EMBLEMA NASIONÁL

Emblema Nasionál hanaran Belak no simboliza mundu kabuar ne’ebé inklui mós Timór-Leste, no nia mak símbolu unidade nasionál:

emblema_rdtl

Elementu Simbóliku sira

 

logo_tl_01 Kór-mutin iha sirkunferénsia ka risku kabuar laran, fitun no nia naroman simboliza pás. Naroman mutin husi fitun simboliza naroman solidariedade no determinasaun atu lori dame ba mundu tomak. Fitun mutin nia rohan-naruk lima simboliza laran-luak no laran-moos ne’ebé hatudu ba Povu dalan ba dame;
logo_tl_02 Iha sirkunferénsia nia laran, iha fali parte ne’ebé kle’an liu no kór-mutin nia leten ba, hatudu insígnia Foho Ramelau nian, ne’ebé pinta ho kór-mean iha nia ninin tomak, no kór-metan iha parte klaran, ne’ebé hadulas ho liña kinur osan-mean ida. Liña ne’ebé kinur, no mós livru nia faixa no ninin, batar-fulin ho hare-fulin, roda ho nehan, rama-inan no rama-isin simboliza Rikusoin tomak. Kór-metan iha Foho Ramelau klaran, kilat automátika no letras livru nian, simboliza nakukun no beik laran ne’ebé tenke buka halakon. Liña ne’ebé hadulas Foho Ramelau ho kór-mean, letras, arus ka arkus, faixas nia kontornus ho livru, simboliza domin ba pátria no luta ba libertasaun nasionál;
logo_tl_03 Ángulu ka sikun haat hamutuk ne’ebé integra insígnia Foho Ramelau simboliza prinsípiu kona-ba separasaun poderes no interdependénsia entre órgaun soberania Estadu sira;
logo_tl_04 Livru ne’ebé nakloke hela, roda ho nehan, batar-fulin no hare-fulin hotu hamutuk simboliza sabedoria ka matenek no kbiit povu nian iha kontestu dezenvolvimentu área Edukasaun, Kultura, Justisa Sosiál, no mós área Agrikultura no Indústria;
 logo_tl_05 Kilat naruk automátika, modelu AK-47/Galaxi, rama-inan no rama-isin hotu hamutuk simboliza valores luta rezisténsia Povu nian ba Libertasaun Nasionál no autu-defeza ba onra ho dignidade soberania durante tinan atus-ba-atus;
logo_tl_06 Lema UNIDADE, ASAUN, PROGRESU, reprezenta valores bázikus polítika no morál ne’ebé hatuur Nasaun no Povu tomak nia moris bá.

Leave a Reply

Your email address will not be published. Required fields are marked *