Dili, 09 Fevereiru 2015 – Hafoin tiha reuniaun Konsellu Estadu nian, S.E. Prezidente Repúblika, Taur Matan Ruak informa katak nia aseita pedidu demisaun Primeiru-Ministru nian, ne’ebé aprezenta iha loron 5, fulan-Fevereiru liubá. Demisaun Primeiru Ministru nian ne’e, iha hanesan konsekuensia ba demisaun Governu nian, tuir Konstituisaun.

S.E. Prezidente Repúblika agora sei fó inísiu ba prosesu harii Governu foun, hodi rona mós partidu políitku sira-ne’ebé iha reprezentasaun parlamentár. Hein katak prosesu harii Governu foun ne’e sei ramata to’o finál semana ida-ne’e.