Dili, 22 Marsu 2017

Antes ha’u ba assuntu, ha’u hakarak halo komentariu balu kona-ba dokumentus ida ne’ebé ha’u simu kona-ba konsensu i konsensu ida ne’ebé maka ita-boot sira buka. Ha’u-nia haree Governu sira ne’ebé uluk, sira ne’ebé maihosi I Governu to’o VI Governu, iha partidu ki’ik balun kesar katak iha V Governu Konstitusionál no VI Governu prátikamente iha Parlamentu Nasionál servisu na base de unaminidade, maibe sira nunka haree problema edukasaun, pelu kontrariu kuandu Prezidente da Repúblika levanta ate sira kontra ou sira haruka fila fali de’it kuandu ha’u defende aumentu fundus ba edukasaun.

Ida ne’e la iha konsensu i ita-boot sira buka tan konsensu ho inan aman labarik sira nia ho sosiadade sivil ke iha parte ida ita-boot sira dehan polítika edukasaun partense Governu, lei hotu-hotu iha ona, ami sira ne’e so ko’alia para imi rona de’it. Eu acho que nos no minímo, estamos a brincar. Não é.

Ne’ebé ha’u-nia argumentu, primeiru kestaun la’ós problema konsensu, pelo kontrariu iha konsensu maske la uja ba konsensu ba reve edukasaun. Segundu, iha dokumentus hateten tanba konsensu la iha, tanba ne’e rezultadu primeiru kongresu la implementa. Deskulpa ita-boot sira ne’ebé halo dokumentu ida ne’e, nia rasosinu, nia lójika ne’e la iha, porque la iha konsensu por isso resultado não foi implementar, quer dizer ida ne’e lójika la iha. karik dehan la implementa tanba osan la iha, la implementa tanba funsionariu sira lakohi talves argumentus ne’e forti, mais tanba de’it konsensu la iha ne’e mak la implementa, ha’u quarta klase, mais diskulpa ne’e los ka lae.

Segundu pontu, save ba konsesu, iha dokumentus ida ne’e hateten katak pontu save ba konsensu iha neen. Kuríkulu Nasional de Ensinu, Jestaun Formasaun ba Professores, Administrasaun no Inskrisaun Eskolar, i Infrastrutura, Ekipamentu ba Kursu Vokasionais, Liña Jestaun Ensinu Superiór Públiku no Privada, neen Partisipasaun dos país no seitor Privadu i de mais parserus.

Ha’u kontra argumentu ida ne’e. Tanba saida? ida ne’e é implementasaun no areas téknikas e que ita husu. Ita iha ne’ebé ona? Atu ba ne’ebé? no oinsa mak to’o iha ne’eba? Buat sira iha pontu neen (6) ne’ebé ko’alia ne’e, halo oinsa mak to’o iha ne’ebá? agora ba iha ne’ebé? Ha’u hanoin ida ne’e mak ita tenke deskuti.

Entaun ha’u koloka hau-nia kestaun save ba konsensu, karik ita hakarak buka tan konsensu. Ha’u la presija tanba ha’u apoiante Ministériu Edukasaun nian, tanba ne’e ita bele ba husu fali sira seluk ne’ebé kontra edukasaun talves Parlamentu sira karik. Ita-boot sira ba husu sira, tanba tinan hirak ne’e sira tau osan oituan de’it.

Entaun ha’u-nia kestaun tolu (3), ne’ebé ita tenke buka konsensu, primeiru imi hanoin ita-nia oan sira atu halo saida? ema saida? ema Timor oan oinsa mak ita hakarak prepara? i prepara atu halo saida? Tipu da pessoa, do estudante, de ser humano que tipu? mais para ita hatene ema se? ema sa? Oin sa mak ita prepepara? Ita tenke hatene, agora ita iha ne’ebé?

Hori bain hira ha’u ko’alia ho kolega sira ne’ebé ba vizita, hau dehan Timor nasaun ida terseiru mundu, maibé se ita hakarak manan, ita-nia kakutak ne’e tenke permeiru mundu, mais se Timor terseiru mundu, kakutak segundu mundu ne’e ita labele. Halo nusá mak ita bele kompete ema sira matenek liu ita, kuandu ita-nia kakutak ne’e sei segundu mundu ou no minímu iha liu kotuk ba, i entaun ema sé mak ita prepara?

Se ita haree didi’ak ambiente internasionál, teknolojia funsiona maka’as, labarik agora ho labarik iha ha’u-nia tempu, ha’u-nia tempu fó valores intrasaun entre alunus ho professor, meja-livru so alunu. Ohin labarik sira ba teknolojia, signifika kada ves mais teknolojia domina sosiadade, ita hanorin métodu seklu XIX nian ou XX nian ba ita-nia oan sira, seklu XXI talves mall, muito menus com professores no seklu XIX tão mall, ne’e lalos ona.

Aspeitu ida seluk, o mundo é mudansa a globalização interdependência, ita tenke prepara ema ke la’ós de’it iha ita-nia nasaun, nia kontente, mas nia bele util iha fatifatin iha Asia i iha mundu, tanba informasaun, koñesementu, kapasidade intelektual ohin nian sai matenek prima ba komersiu internasionál. Sira la fa’an ona modo-tahan maibe fa’an kakutak. Ita fa’an ema buru kasar, ema fa’an nia kakutak mai iha ita nia rai, entaun ita kontinua nafatin hanesan ne,e? Ha’u hanoin ita hetok nune’e, mais se hanesan ne’e ema saida mak ita persija? Ha’u nia hanoin ema ida ne’ebé ita prepara, nia tenke hatene halo sasan no hatene hanoin, la’ós de’it hatene hakerek no lee, i mais duke ida ne’e, karakter, personalidade molda na base da principios e valores, porque ne’e nia bele intelektual, nia bele hatene kultural mais karakter la iha personalidade, não vale, não serve. Entaun ne’e premira kestaun ke ha’u hakarak. Ema saida mak ita hakarak prepara? Se lae ita ko’alia buat hotu mais ita la ko’alia buat ida.

Segundu, lingua. Ha’u uja tranku ninia liafuan, Must changes right now (muda agora kedas-red) Ha’u ba iha Bobonaro, Señora Vise Ministra Edukasaun nia rai, ha’u husu labarik ida 5o ano, eskola 5o ano karik kompara ho ha’u, (Taur Matan Ruak) nia eskola tinan ida liu ha’u. Ha’u tinan haat de’it, ha’u husu saida mak inuskain em português, ela não sabe. Tão mão, quem é quer os meudus assim. Sira hakarak portela ita-nia oan sira-nia futuru, utiliza ema para sekulu XXI, tão mall. sé mak bulak ba inventa buat ida ne’e. Desculpa não ésta de brincar. Seklu XXI ita hanorin ita-nia oan sira galolen, hanorin mambae depois kompete ho Indonesia, kompete ho Singapura?

Ha’u rona dehan UNESCO mak inventa, UNESCO não sabe nada sobre Timor. Para! e mais ha’u-nia mensajen ba polítik sira lalika kakeu tun sae, halo agrada ema de’it, tanba este é um crime, tanba saida? Taka ita-nia oan sira-nia dalan, lingua tem que ser claro, é Português.

Klaru ke Prezidente da Repúblika la’ós kontra ita-nia mambae, iha tomada de posse VI Governu ha’u dehan, Timoroan ko’alia tetum lamoos, ingles lamoos, portugues lamoos, ninia lian mós lamoos. Ha’u, hau-nia naueti de’it ha’u lamoos, mambae lamos, aipa.. sekulu XXI. Senhor Ministro, eu acho que tem que trabalhar muito com Governo e o Governo, vier quem vier, vamos fazer a vida negra ao Governo. E não vamos deixar fazer, inventar as coisas. não é?.

Terseiru kestaun, Orsamentu do Estadu, Orsamentu do Estadu sei explore 10%, 5%. Indonesia liu ita, Singapura liu ita, país avansadu. Ita país terseiru mundu. Ita tau osan ba edukasaun hanesan ne’e? Pois ita ba halo auto estrada. Auto estrada halo ba sé? Para todos, toda agente menus timorense, é verdade, menus Timor Oan sira, anaunser ita-boot sira tama ba klase ida ho ha’u, klase privileziadus.

Orsamentu Jeral do Estadu 2012, 1.8 billoins, edukasaun 93 milloins. 2013, 1.6 billoins, edukasaun 92 milloins. 2014, 1,5 billoins, edukasaun 116 milloins, talves durante tinan lima ne’e ida ne’e mak boot liu ona. 2015, 1.5 billoins, orsamentu ba edukasaun, 103 milloins. 2017 orsamentu 1.9 billoins, ba edukasaun 103 milloins, para mais 300 mil alunos.

Ha’u-nia hanoin, orsamentu ne’e kiik, tuir loloos 10% to’o 15% ou masimu 20% se ita hakarak. Singapura, ha’u ko’alia bebeik tanba ha’u admira Lee Kuan Yew, Pais ida ke rai kiik, la iha mina, laiha gás, la iha toos, la iha natar, la iha bee, mas é o páis mais dezemvolvido na Azia. Sira-nia konfiansa mak saida? Kuandu ha’u husu sira, sira dehan ami-nia riku, primeiru ema, segundu ema, terseiru ema. Ita iha ema, ke uluk laiha kilat, la iha kainaun ita manan funu i agora ita hasai tia ida ne’e valoriza fali kainaun. Mas sé mak hakarak utuliza vantazen ida ne’e? Quem é que a explorar isto, sé aqui em Timor? haree hotu-hotu ignorante para ser um grupo pequeno a previlegiar-se do nosso país e das nossas conquistas. Eu acho que não.

Kestaun ida seluk ne’e pontual, ita-nia professor sira, direktór sira, ha’u kompara sira hanesan karik uluk ha’u tropa, komandante kompaña no soldadu. Sira ne’e tenke brani para luta, se kilat tarutu dala ida halai lakon hotu, ita funu lamanan. Ita ba konfia ema sira hanesan ne’e? Ami iha militar liafuan ida dehan “O kuandu halo nia hanesan o-nia oan, nia sei la husik o, mas halo nia hanesan o-nia anak emas, nia sei mate de’it iha o nia sorin. I ha’u nia soldadu sira nunka halai husi ha’u, hanesan ohin mate ho ha’u, tanba saida? traipintor mean espesial ba sira.

Ita-nia professores sira ne’e dala ruma ita abandona sira, iha professores barak que ha’u admira sira nia compaixão, iha balun que ha’u hanoin la serve, tanba horbainhira ha’u haree ida, tama nia eskola ha’u hateten ba nia “ Ha’u mak o-nia boot, ha’u fo han o ba lafahek”. Tanba kadeira la iha ne’e buat ida, livru la iha buat ida, agora uma laran mak la hamoos eipa isso não é lixo, o senhor preguiçoso, não é? professor é assim, que exemplo dar? não dá.

Portantu ita tenke valoriza sira, sira mak molga karakter ita-nia oan sira nian, sira mak molga iha futuru nosso país, eles deviam merecer o nosso respeito e a nossa admiração, i sira tenke ser avaliadu constantemente.

Entaun ita tenke halo avaliasaun externa, i kestaun ne’e Señor Ministru i Ministeriu Edukasaun mak tenke ser haree, i diretór sira. Ita sira boot ne’e mak uza kareta di’ak, sira be halai mate an ne’e, ita fó ida trabaun la di’ak, sinta trabaun la iha, halo nusa mak nia hetan motivasaun para nia serbisu se hanesan ne’e. Ne’e labele.

Ne’ebé, ha’u hanoin ita iha kestaun tolu: ema saida mak ita hakarak prepara para sekulu ida ne’e?Língua, ita tenke muda, no ikus orsamentu Jeral do Estadu ita tenke aumenta. Hanesan horbainhira iha intervista, ha’u dehan, jalan tol ne’ebá ne’e, Maun Xanana mai inventa, mais ha’u lahatene aban bainrua Maun Xanana uja ka lae, tanba nia agora setenta ital anos ona, imi sira tuur iha ne’e ha’u lahatene imi to 150 anos ga lae? Ne’ebé ha’u-nia intervensaun mak ne’e halo favor ita-boot sira reflete kona-ba asuntu sira ne’e, ha’u konfia totalmente iha Ministru Edukasaun, Señor Diretór, Señor Professor. Oinsá mak hadia. Presija Polítika ida klaru, Orsamentu Jerál do Estadu tau boot, lingua no Polítika Nasionál ba edukasaun klaru.

Ha’u hakarak termina ha’u-nia intervensaun mas ha’u ohin mai iha ne’e provoka ita-boot sira, ha’u hare imi balun oin buis de’it, be ha’u para tia. Buat barak, ha’u-nia idea ne’e nakonu, mais ha’u lakohi fahe hotu tanba imi balun oin buis, ne’ebé hakarak agradese ba Señor Ministru e Vice Ministru, ita-boot nia ekipa no professionais sira hotu-hotu, ne’ebé halo esforsu ba konferénsia ida ne’e. OBRIGADU