S.E. PREZIDENTE REPÚBLIKA IHA DIÁLOGU KOMUNITÁRIU HO KOMUNIDADE SUKU DILOR NO UMA TOLU

by Mídia PR Posted on

Laline, Lacluta, 24 Marsu 2015 – S.E. Prezidente Repúblika Taur Matan Ruak, iha tersa-feira ne’e hala’o diálogu komunitáriu ba loron daruak ho komunidade sira suku Dilor nian.No, iha parte lokraik kontinua ho komunidade sira suku Uma Tolu nian, postu administrativu Lacluta, munisípiu Viqueque.

Wainhira hahú diálogu iha suku Dilor, Xefe Estadu mós sente ladún satisfás, tanba menus partisipasaun hosi membru komunidade sira.

Xefe Estadu hatete:

“Ha’u vizita ona suku 319. Iha imi-nia suku maka partisipasaun komunidade sira nian la barak, imi suku Dilor.I, ha’u husu Liurai aban-bainrua mobiliza imi-nia populasaun partisipa maka’as, tanba saida?Tanba, Prezidente Repúblika loroloron la mai iha ne’e vizita imi, i Prezidente iha mundu la halo hanesan ne’e.Prezidente ema númeru untuur iha kantór fóorden de’it, mais imi-nia Prezidentevizita Timor-Leste laran tomak.Tanba sá maka vizita imi?La’ós atu mai fihir imi-nia oin di’ak,mas mai atu rona, haree imi-nia kondisaun, no sente problema imi moris loroloron nian no ita hamutuk buka solusaun.”

Durante diálogu iha suku Dilor, komunidade sira levanta ba Xefe Estadu hato’o sira-nia preokupasoins ba Xefe Estadu, hanesan, problema veteranus, irrigasaun aat ne’ebé afeta no estraga natar ektare barak.Hato’o mós katak, Uma Lima ne’ebé governu promete to’o oras ne’e seidauk realiza, kompañia lokál halo projetu valeta no irrigasaunlaiha kualidade no oras ne’e aat fali ona, no inklui problema real seluk hirak mós.

Hafoin to’o iha suku Uma Tolu, Xefe Estadu sente haksolok tebes no fó parabéns ba Xefe Suku Uma Tolu ho nia komunidade ne’ebé organizadu tebes, liuliu ba kriatividade Xefe Suku ne’ebé hola inisiativa atulobi ONG’s sira atu halo dezenvolvimentu iha suku laran no la hein Governu.

Xefe Estadu gaba hodi dehan:

“Ha’u kontente rona relatóriune’ebé ohin liurai hato’o. Imisorte hetan liurai ida kriativu no badinas atu iha hanoin, iha interese, iha vontade atu fó motivasaun ba imi atu hamutuk imi buka solusaun ba problema. Tanba, hanesan ohin liurai dehan,ne’e susar se hein de’it Estadu no governu. Tanba,Estadu no governu iha oan barak, mosu dala ida ba, imi-nia la mai ona. Inisiativa imi-nian, badinas, serbisu hamutuk ne’e maka dalan mesak ita atu lori ita-nia moris ba oin. Prezidente Repúblika kontente, tanba imi hahú esforsu ida para bele hadi’ak imi-nia moris loroloron. Parabéns ba imi. Imi majuluarbiasa.”

Durante diálogu ho komunidade sira iha suku rua, S. E. Prezidente Repúblika mós la haluha atu fó hanoin ba komunidade sira sobre pontu importante tolu: komunidade sira tenke kuidadu sira-nia ekonomia, labele haluha atu investe iha sira-nia oan nia eskola no husu mós atu komunidade labele haluha atu kuidadu sira-nia saúde.

Perfíl Suku Dilor no Uma Tolu

Suku Dilorlokalizakedanadministrasaun Postu Lacluta nian iha perfíl hanesan tuirmai: aldeia 5 ho totál abitantes 1.113. Suku ne’e mósiha asesuona ba liña eletrisidade 24 oras, iha ona kanalizasaun bee moos, sanitasaun, estrada kondisaun favoravel, iha ona postu saúde kompletu ho pesoálsaúde, no asesu ona ba rede telekomunikasaun.

Iha parte seluk, Suku Uma Tolu iha aldeia 5 ho totál abitantes 2.614.Iha suku refere tuir relatóriu ba Xefe Estadu katak sira-nia suku organizadu di’ak, tanba iha kriatividade Xefe Suku nian, hanesan halo proposta ba ONG sira hodi dada bee moos, no halo sanitasaun ba kada uma-kain, organiza hamoos suku, halo regulamentu hodi sulan fahi no Karau. Ba komunidade ne’ebé kontra, hetan multa. Komunidade iha suku refere la inklui iha artes marsiais no grupu ilegál sira, iha suku refere asesu ona eletrisidade hosi EDTL 24 oras, estrada kondisaun di’ak.