Prezidente-da-Repúblika Simu Vizita hosi Komitiva IRI

by Mídia PR Posted on

Prezidente-da-Repúblika Francisco Guterres Lú Olo iha Segunda-feira loron-24 fulan-Jullu simu vizita kortezia husi delegasaun observadór International Republican Institute (IRI), ne’ebé lidera husi Sekretáriu Internasionál Partidu Liberal Austrália, Bruce Edwards, iha Palásiu Prezidente Nicolau Lobato, Bairru-Pite Dili.

Iha sorumutu ne’e, IRI informa ba Prezidente kona-ba sira-nia observasaun ba eleisaun parlamentar, ne’ebé tuir sira, la’o di’ak tebtebes. IRI espera governasaun foun mai bele hala’o serbisu di’ak liu tan ba Timor-Leste.
Xefe-de-Estadu, iha okaziaun ne’e hatete, governasaun foun sei mosu liu husi Partidu hirak ne’ebé sei forma Governu no hanesan Prezidente-da-Repúblika, nia sei sai Prezidente ba povu tomak.

Alende Bruce Edwards, delegasaun observadór IRI ne’ebé mai kumprimenta Xefe-de-Estadu mak hanesan: Board IRI , Christopher J. Fussner, Embaixadora Estadus Unidus, Karen Stanton, Diretor Programa IRI ba Timor Leste, Dimitar Stojkov no Jerente Programa IRI, Karlito Nunes.

Delegasaun observadór Internasional husi International Republican Institute kompostu husi ema nain 30 no mai husi Estadus Unidus no Austrália.