Xefe Estadu apresia apoiu Austrália fó ba Timor Leste liu husi area militar F-FDTL

by Mídia PR Posted on
Prezidente da Republika Enkontru ho Vise Almirante Australia

 

 

Palásiu Prezidente Nicolau Lobato, Prezidente-da- Repúblika Francisco Guterres Lú Olo, iha loron-18 fulan-Agostu simu vizita hosi Vise Xefe Forsa-de-Defesa Austrália Vise-Almirante Ray Griggs ne’ebé iha vizita ne’e akompaña husi Embaixadór Australia iha Timor-Leste, Peter Doyle.

Prezidente-da-Repúblika apresia tebes relasaun entre nasaun rua no agradese ba apoiu sira ne’ebé mak Austrália fó ba Timor Leste liu-liu iha area militar ba F-FDTL

Koperasaun ne’ebé forsa armada nasaun rua estabelese mak hanesan: fó kursu lian Ingles ba membru sira F-FDTL hamutuk ema na’in 400, apoiu ba Unidade Enjeneria, Unidade Lojístika no ohin loron, hala’o hela programa manutensaun ba Pás nian.

“Ha’u sente kontente no onradu tebes tanba bele hasoru Prezidente-da-Repúblika Timor Leste. Ami iha relasaun di’ak tebes iha área militar nian, ohin loron, ami-nia ema fó kapasitasaun ba forsa militar iha Timor no forsa husi Timor nian balun, agora dadaun, estuda hela iha Austrália,” Vise-Almirante Forsa Austrália ne’e, dehan.

Vizita Vise-Almirante mai iha Timor Leste ho objetivu atu partisipa iha serimónia aniversáriu FALINTIL ba dala-42, iha loron-20 Agostu.

MÍDIA PR