Maijór-Jenerál F-FDTL Informa Situasaun Forsa Armada ba Prezidente-da-Repúblika

by Mídia PR Posted on

Palásiu Prezidente Nicolau Lobato, loron-13 fulan-Setembru, Prezidente-da-República Francisco Guterres Lú Olo, hala’o enkontru regular ho Maijór-Jenerál FALINTIL Forsa Defesa Timor Leste (F-FDTL), Lere Anan Timur, hodi rona relatóriu kona-ba dezenvolvimentu Forsa Armada no situasaun seguransa iha rai-laran.

Alende ne’e, ko’alia mós kona-ba mandatu Maijór-Jenerál Lere nian, ne’ebé tuir lei, sei termina iha fulan-Outobru.

Hatan ba kestaun ne’e, Lere Anan Timur, hatete, sei halo tuir desizaun polítiku sira. Hanesan timoroan nia deklara prontu atu asumi responsabilidade hodi kontinua nia knaar, bainhira hetan fiar husi polítiku sira.

Maijór-Jenerál Lere realsa liutan, estabilidade iha rai-laran, oras ne’e la’o hakmatek no kontroladu.