Nomeisaun Membru Konsellu Superior ba Defeza no Seguransa no nia Enkontru Dahuluk

by Mídia PR Posted on

KOMUNIKADU IMPRENSA

Dili, 2 Outubru 2017

Nomeisaun Membru Konsellu Superior ba Defeza no Seguransa no nia Enkontru Dahuluk

Prezidente-da-Repúblika Francisco Guterres Lú Olo liuhusi Dekretu Prezidente-da-Repúblika No 62/2017 loron-29 fulan-Setembru nomeia Cornelio Gama (L7) no Cristina Alves da Silva sai membru Konsellu Superior ba Defeza no Seguransa.

Molok Prezidente-da-Repúblika fó-sai Dekretu iha loron-29 fulan-Setembru iha oras tuku 10:00 dader hala’o reuniaun ba dahuluk ho L7 no Crisitina Alves iha Palásiu Prezidente Nicolau Lobato Bairru Pite Dili hodi husu sira-nia opiniaun no fahe informasaun kona-ba serbisu Konsellu Superior ba Defeza no Seguransa. Veteranu na’in-rua prontu atu asumi kargu refere.

“Ha’u prontu atu fó apoio ba konsellu ida ne’e atu nune’e fó apoio ba Prezidente bainhira Prezidente presiza” Cristina hatete hafoin reuniaun ho Xefe-de-Estadu.

Membru Konsellu seguransa kompostu husi ema na’in-13 hanesan Prezidente-da-Repúblika Francisco Guterres Lú Olo, Premeiru Ministru Mari Alkatiri, Ministru Negósiu Estranjeiru no Kooperasaun Aurelio Guterres , Ministru Defeza no Seguransa José Agostinho Sequeira “Somotxo”, Ministru Justisa (pozisaun sei mamuk), reprezentante na’in-tolu husi Parlamentu Nasionál Chefe Estado Maior F-FDTL, Maijor General Lere Anan Timur, Komandante Gerál PNTL Julio da Costa Hornai, Diretor Jerál Servico Nacionál de Intelegencia (SNI) Manuel Serrano, Cornelio Gama (L7) no Cristina Alves da Silva.

Enkontru dahuluk Konsellu Superior ba Defeza no Seguransa sei hala’o Segunda-feira loron-2 fulan- Outubru oras tuku 15:00 lorokraik iha Palásiu Prezidente Nicolau Lobato hodi ko’alia kona-ba kestaun defeza no seguransa no mandatu Xefia Militár.

Rohan

Mais Informãçao Contacte:
SERVIÇO DE COMUNICAÇÃO SOCIAL DA PRESIDÊNCIA DA REPÚBLICA DEMOCRÁTICA DE TIMOR-LESTE
Contactos: Telemóvel:(+670) 77746223/ 77304491
E-mail: nelson.quintao@presidenciarepublica.tl/nuno.rodrigues@presidenciarepublica…