PJR informa serbisu Ministériu Públiku ba Prezidente-da-Repúblika

by Mídia PR Posted on

Palasiu Prezidente Nicolau Lobato, loron-4 fulan-Outubru, Prokuradór Jerál-da-Repúblika Jose da Costa Ximenes hala’o reniaun mensál ho Prezidente-da- Repúblika Francisco Guterres Lú Olo, hodi informa serbisu sira Ministériu Públiku nian.
Jose da Costa Ximenes mós informa atividades sira ne’ebé mak nia partisipa hanesan: Enkontru Anúal Assosiasaun Procuradór Internasionál iha Beijing, Xina no Enkontru Anúal Dahaat The Asset Recovery Interagency Network Asia Pacific (ARIN-AP) iha Tokyo Japaun.
Iha rai-laran, José Da Costa Ximenes, informa tomada-de-posse ba Inspektúr ida no Prokuradór Distritál na’in rua husi Munisípiu Dili no Baucau.
Alende ne’e, ba Xefe-de-Estadu Prokuradór Jerál mós relata kona-ba Kazu aprensaun kombustível iha Munisípiu Bobonaro no ejekusaun pena ba eis Sekretáriu Estadu Obras Publika , Domingos Caero no Koordenadór Obras Publikas Regional Bobonaro, Augostu, ne’ebé ezekuta ona iha loron-25 fulan Setembru.
Prezidente-da-Repúblika iha okaziaun ne’e husu ba Ministériu públiku atu kontinua atua tuir kompeténsia tomak ne’ebé lei permite no tuir matadalan Ministériu públiku ninian.
Mídia PR