XEFE BANKADA OPOZISAUN HATO’O FELISITASAUN TINAN FOUN BA PREZIDENTE-DA-REPÚBLIKA

by Mídia PR Posted on

Palásiu Prezidente Nicolau Lobato, loron 17 fulan-Janeiru tinan2018-

Xefe Bankada Partidu Opozisaun iha Parlamentu Nasionál CNRT, PLP no KHUNTO hato’o felisitasaun tinan foun ba Prezidente-da-Repúblika Francisco Guterres Lú Olo.

Xefe bankada husi partidu opozisaun tolu, Arão Noé de Jesus, Fidelis Magalhaes no Luis Roberto hamutuk ho deputadu sira dezeja tinan foun ho saúde di’ak ba Prezidente-da Repúblika atu kontinua lori nasaun Timor-Leste ba oin. Xefe bankada sira apresia Serbisu Prezidente-da-Repúblika tanba durante ne’e hatudu nia postura nu’udar aman ba nasaun.

Prezidente-da-Repúblika agradese felisitasaun husi xefe Bankada Opozisaun iha Parlamentu Nasionál no reafirma fila fali pozisaun nu’udar Xefe-de-Estadu ne’ebé komprometidu atu sai Prezidente ba Povu Tomak tuir kompromísu polítiku ne’ebé fó-sai durante kampaña ba eleisaun prezidénsiál no iha serimónia tomada-de-posse iha 20 Maiu 2017.

Lider bankada sira sei hatutan mensajen Prezidente-da-Repúblika katak sai Prezidente ba povu tomak no promove dialogu hodi buka solusaun.
Mídia PR