PREZIDENTE REPÚBLIKA FELISITA POVU GUINÉ-BISSAU

by Mídia PR Posted on

Palásiu Prezidensiál Nicolau Lobato, Díli, 1 outubru 2020

Prezidente Repúblika, Francisco Guterres Lú Olo,  iha okaziaun  komemorasaun aniversáriu independénsia ba dala-47, reprezenta Povu Timor-Leste,  hato’o felisitasaun  no votus prosperiedade  no pás ba Povu Guiné-Bissau.

Guiné-Bissau hetan independénsia iha 24 setembru 1973 liuhusi luta naruk ida diriji husi Partido Africano da Independência da Guiné e Cabo Verde (PAIGC) ho lideransa Amílcar Cabral ne’ebé hatene hametin Povu nian unidade ba objetivu komun.

“Bainhira ami luta namanas hela ba libertasaun nasionál, ita-nia asaun, sai motivu ba inspirasaun”, Prezidente Repúblika hateten.

Prezidente Repúblika akompaña nafatin prosesu iha Guiné-Bissau no bele hetan susesu.

Timor-Leste nia luta ba ukun rasik-an hetan influensia maka’as husi movimentu libertasaun nasionál Guiné-Bissau, liuliu ho pensamentu polítiku Amilcar Cabral ninian.

MÍDIA PR.