PREZIDENTE REPÚBLIKA FELISITA POVU XINÉS

by Mídia PR Posted on

Palásiu Prezidénsial Nicolau Lobato, Díli, 1 outubru 2020

Prezidente Repúblika, Francisco Guterres Lú Olo, reprezenta Povu Timor-Leste hato’o felisitasaun ba Prezidente Xi Jingpin no Povu Xinés iha okaziaun Loron Nasionál Repúblika Popular Xina, 1 outubru.

Prezidente Repúblika uza oportunidade ne’e agradese apoiu hotu-hotu ne’ebé Governu Xinés oferese ba Timor-Leste, desde inísiu pandemia, ho materiál no ekipamentu.

“Ami hasoru hela periódu ida ho dezafiu boot sira, maibé ha’u fiar katak ho relasaun exelente iha kooperasaun bilaterál  entre ita-nia país sira no reforsa atuasaun multilateral, ita sei hakat liu buat at ne’e”, Prezidente Repúblika hateten.

MÍDIA PR.