[ENG-TET]
MENSAJEN HUSI PREZIDENTE J. RAMOS-HORTA IHA LORON MUNDIÁL OSEANU
Dili, 8 Juñu 2026
Ohin, iha Loron Mundiál Oseanu 2026, ita haree ba bee-azul hanesan ne’ebé liga ita ba mundu, sustenta ita-nia bei’ala sira, no kuida ita-nia mehi sira ba independénsia.
Tema asaun globál tinan ida-ne’e nian klaru no urjente: Área Protejida tasi nian ne’ebé Forte ba Ita-nia Planeta Azul. Siénsia ko’alia ona. e la iha área protejida tasi nian ne’ebé maka metin, jere ho di’ak, no governa ho ekuitativa, ita labele restaura stock ikan nian, defende komunidade kosteira husi kolapsu klimátiku, ka prezerva biodiversidade estraordináriu hosi ita-nia Triángulu Korál—Amazónia Tasi nian, ne’ebé maka iha ita-nia odamatan oin.
Maibé ita iha Timor-Leste hatene katak protesaun labele impoin ho dekretu de’it. Ida-ne’e tenke moris iha ita-nia komunidade sira nia fuan. Tanba ne’e maka ita-nia tema nasionál ba tinan 2026 metin iha ita-nia fiar rasik:
“Proteje Tasi liu husi Tara Bandu ba Futuru ne’ebé Sustentável.”
Tara Bandu la’ós de’it prohibisaun. Ida-ne’e mak kontratu sosiál sagradu ida—promesa ida entre ema moris sira, ita-nia bei’ala sira, no jerasaun sira ne’ebé seidauk moris. Ne’e lei adat nian ne’ebé dehan: “Iha ne’e, ita la foti liu buat ne’ebé ita presiza.Iha ne’e, ita la estraga buat ne’ebé fó moris ba ita.”
Ohin loron,, ita selebra ita-nia beleza no rikeza tasi nian, hodi reafirma ita-nia kompromisu koletivu ba sira-nia protesaun no sustentabilidade.
Balun dehan nasaun ki’ik ida labele proteje tasi boot ida. Ha’u dehan: nasaun ki’ik ida ho fuan boot no sentidu armonia antigu bele lidera ho ezemplu. Ita-nia bei-ala sira la presiza lei eskrita atu hatene katak tasi tenke deskansa. Ita tenke rekupera matenek ne’e—la’ós hanesan memória ida, maibé hanesan prátika loroloron nian. Mai ita renova ita nia Tara Bandu ba ita nia tasi. Mai ita deklara katak ita-nia zona tradisionál Tara Bandu sira iha ahu-ruin no mangrove sira sei hetan respeitu no habelar.
Governu Timor-Leste durante ne’e reforsa ninia vizaun estratéjika liuhusi Polítika no Planu Asaun Ekonomia Azul, ne’ebé promove governasaun tasi nian ne’ebé sustentável, inkluzivu, no interjerasionál. Esforsu ida-ne’e abranje protesaun ba ambiente tasi nian, diversifikasaun ekonómika sustentável, empoderamentu ba komunidade kosteira, no hametin inovasaun, kooperasaun rejionál, no parseria internasionál.
Iha Loron Mundiál Oseanu ida-ne’e, ha’u husu ba Timor-oan ida-idak atu aprofunda ita-nia relasaun ho tasi ne’ebé halibur no sustenta ita. Hein katak loron ida-ne’e bele hametin ita-nia konsiensia nasionál kona-ba importánsia vitál tasi nian. Ho Tara Bandu, mai ita proteje ita nia tasi. Mai ita proteje ita-nia planeta azul no asegura futuru ida ne’ebé sustentável ba ema hotu.
Parabéns ba Loron Mundiál Oseanu!
J. Ramos-Horta
Prezidente Repúblika no Laureadu Nobel ba Pás
MESSAGE BY PRESIDENT J. RAMOS-HORTA ON WORLD OCEAN DAY
Dili, 8 June 2026
Today, on World Ocean Day 2026, we look out upon the same blue water that has connected us to the world, sustained our ancestors, and nourished our dreams of independence.
The global action theme this year is clear and urgent: Strong Marine Protected Areas for Our Blue Planet. Science has spoken. Without robust, well-managed, and equitably governed marine protected areas, we cannot restore fish stocks, defend coastal communities from climate collapse, or preserve the extraordinary biodiversity of our Coral Triangle—the Amazon of the Seas, lying right at our doorstep.
But we in Timor-Leste know that protection cannot be imposed by decree alone. It must live in the heart of our communities. That is why our national theme for 2026 is deeply rooted in our own wisdom:
“Proteje Tasi liu husi Tara Bandu ba Futuru ne’ebé Sustentável.”
Protect the Ocean through Tara Bandu for a Sustainable Future.
Tara Bandu is not merely a prohibition. It is a sacred social contract—a promise between the living, our ancestors, and the generations not yet born. It is customary law that says: “Here, we do not take more than we need. Here, we do not destroy what gives us life.”
Today, we celebrate the beauty and richness of our seas, reaffirming our collective commitment to their protection and sustainability.
Some say a small nation cannot protect a great ocean. I say: a small nation with a great heart and an ancient sense of harmony can lead by example. Our ancestors did not need written laws to know that the sea must rest. We must recover that wisdom—not as a memory, but as a daily practice. Let us renew our Tara Bandu for our ocean. Let us declare that our traditional Tara Bandu zones on reefs and mangroves will be respected and expanded.
The Government of Timor-Leste has been strengthening its strategic vision through the Blue Economy Policy and Action Plan, which promotes sustainable, inclusive, and intergenerational ocean governance. This effort encompasses the protection of the marine environment, sustainable economic diversification, the empowerment of coastal communities, and the strengthening of innovation, regional cooperation, and international partnership.
On this World Ocean Day, I ask every Timorese to deepen our relationship with the sea that unites and sustains us. May this day strengthen our national awareness of the ocean’s vital importance. With Tara Bandu, let us protect our ocean. Let us protect our blue planet and secure a sustainable future for all.
Parabéns ba Loron Mundiál Oceanu!
J. Ramos-Horta
President of the Republic and Nobel Peace Laureate